30 жылда Қазақстан қалай өзгерді?

Күні кеше сияқты еді, бүгін міне тәуелсізде тыныш Қазақстанда өмір сүріп жатырмыз.Жанын пида етіп,ата-бабаларымыз беріп кеткен бейбіт өмірмен кең жерімізді бүгінгі таңда дамыту үстіндеміз.Жалпы кешегі күннен бүгінге дейін Қазақстан ел танымастай өзгерді.Және бұл жолда Қазақстан көп жұмыс атқарды,биік шыңдарды бағындырды,үлкен жетістіктерге жетті.

Тарихымызға көз жүгіртіп қарасақ,30 жыл бұрын ұзақ уақыт бойы отаршылық тұтқында болып,ашаршылық зардабын шеккен ел,бүгін жеке дара елге айналып отыр және осы Тәуелсіз Қазақстан дүниеге келуінің ұлы шежіресі бірнеше кезеңнен тұрады.Ең біріншісі осы тәуелсіздіктен кейін Республика Президенті лауазымын тағайындауы,кейіннен Қазақстан тәуелсіздігі туралы декларация,Республика валютасы қорын құруы,Қазақстан тәуелсіздігі туралы заңның қабылдануы және көптің басына қасірет тудырған Семей ядролық полигонының жабылуы. Жалпы 30 жылдың 30 жетістігіне қысқаша шолу жасап өтсек:

1991 жылы Қазақстан егеменді ел болды. Еліміздің Тәуелсіздігін ең алғаш болып мұхиттың арғы жағында жатқан Америка Құрама Штаттары, екінші Қытай, содан соң Ұлыбритания мойындады. Оның артынан Моңғолия, Франция, Жапония, Оңтүстік Корея және Иран Ислам мемлекеті мойындады. Президент Жарлығымен Семей ядролық полигоны жабылды. Сонымен қатар осы жылдың 2 қазанында қазақтың тұңғыш ғарышкері, Халық Қаһарманы Тоқтар Әубәкіров ғарышқа сапар шекті.

1992 жылы мемлекеттің басты атрибуттары – рәміздерімізді бекітіп, дүниежүзіндегі ұлттық мемлекеттерді мойындайтын алып ұйымның төріне көк байрағымызды тігіп, БҰҰ-ның толық-қанды мүшесі атандық. Сонымен қатар Қазақстан ЕҚЫҰ сияқты іргелі ұйымның құрамына енді. Дәл осы кезден бастап жас мемлекетке трансұлттық корпорациялар тарапынан қызығушылық туып, қазақ жеріне инвестиция сала бастады. Тәуелсіздік таңы атқаннан бес айдан кейін Қазақстанның дербес Қарулы Күштері құрылды. Осы жылы дүниежүзі қазақтарының құрылтайы Алматы қаласында өткізілді.

 1993 жылыТәуелсіз Қазақстан тұңғыш Конституциясын жариялады. Ең алғашқы басты құжаттың қабылдануы – Тәуелсіздік жылдарындағы елеулі оқиғалардың бірі. Дәл осы жылы ұлттық валюта – теңге қолданысқа енгізіліп, Қазақ елі қаржылық тәуелсіздікке қол жеткізді. Оралмандар үшін алғашқы жылдық квота тағайындалып, атамекеннен жырақтағы 10 мың отбасы көшіп келді. «Қазақстан Республикасының мемлекеттік шекарасы туралы» заң қабылданды. Дәл осы жылы «Алма-Ата» атауы «Алматы» болып өзгерді. Оңтүстік астанада БҰҰ-ның Қазақстандағы өкілдігі пайда болды.

1994 жылыТұңғыш Ата Заңның негізінде 1994 жылы наурыз айында алғаш рет заң шығарушы орган – Жоғарғы Кеңеске сайлау өткізілді. Қаңтар айында еліміздегі жоғары оқу орындары арасынан «ұлттық» деген мәртебе В.И.Ленин атындағы Қазақ политехникалық институтына (қазіргі Қ.Сәтбаев атындағы Ұлттық техникалық университеті) берілді.

 1995 жылы Қазақстан қазіргі дамуының басты кепілі болып отырған Конституцияны қабылдады. Осы құжат арқылы саяси жүйенің классикалық үлгісіне өтіп, биліктің үш тармағы тиісті механизмдері арқылы жұмыс істеуге мүмкіндік алды. 1 наурызда қоғамдық ұлтаралық келісім мен тұрақтылықты нығайту мақсатында республикада Қазақстан халқы Ассамблеясы құрылды. 1995 жыл Абай жылы болып жарияланды. 15 қыркүйекте Қазақстан Республикасының астанасын Ақмола қаласына ауыстыру жөнінде Президент Жарлығы шықты.

1996 жылы Тәуелсіздігіне бес жыл толған Қазақстан мемлекетті дамытудың кешенді бағдарламаларын жасап, нақты іске кірісе бастаған болатын. 1996 жылы 16 желтоқсанда сол кездегі астанамыз Алматыда Тәуелсіздік монументі ашылды. Бұл символ халықты біріктіруге бағытталған идеология аясында атқарылған шаралардың бірі еді. 1996 жылы 3 сәуірде қазақ ұлтының өкілдері жеке құжаттарына тарихи-халықтық дәстүрге сәйкес өз әкесінің аты-жөнін ата-бабасының атымен жаздыруға мүмкіндік алды.

 1997 жылы Елбасы Нұрсұлтан Назарбаев «Қазақстан-2030. Қазақстандықтардың өркендеуі, әл-ауқаты мен қауіпсіздігін жақсарту» атты халыққа Жолдауын арнады. Бұл стратегиялық жоспарды қабылдау – үнемі динамика мен дамуға ұмтылып отырған халықаралық қауымдастық ішіндегі жас мемлекеттің үлкен тәуекелге баруы еді. Сонымен қатар халықтық жалпыкелісім мен саяси репрессия құрбандарына арналған жыл болып жарияланды. 20 қарашада Президенттің Жарлығымен бұрынғы Ақмола қаласы Қазақстанның астанасы болып жарияланды. 

1998 жылы Елімізде Ұлттың тарихы мен бірлігі жылы болып жарияланды. Осы жылы мемлекеттің көмегімен ұлтымыздың тарихын түгендеп, сананы жаңғырту үрдісі жүргізілді. Барлық заңның қайнар көзі болып табылатын Ата Заңымызға толықтырулар мен өзгертулер енгізіліп, «Қазақстан – 2030» стратегиялық жоспары ресми түрде қолданысқа енгізілді.

1999 жылы 10 қаңтарда Президент сайлауында қазақстандықтардың 79,78% дауысына ие болған Н.Назарбаев Мемлекет басшысы ретінде қайта сайланды. 25 ақпан мен 4 наурыз аралығында Тәуелсіз Қазақстанның тұңғыш халық санағы өтіп, елде 14 953 100 адамның тұратыны және халықтың 10 жыл бұрынғы көрсеткішке қарағанда 7,7 пайызға азайғаны байқалды. 1 наурызда төрт саяси партияның басын қосқан «Отан» республикалық партиясы құрылды. 5 сәуірде ұлттық валютамыздың долларға қатысты бағамы құлдырап кетті. 7 шілдеде еліміздегі бас мұсылмандық мекеме болған Алматы орталық мешітінің құрылысы аяқталды. Айта кетейік, 1999-2002 жылдары Үкіметті Қасым-Жомарт Тоқаев басқарды.

2000 жылы Жетпіс жыл алып империяның құрамында жүріп, ұлт құндылықтарын сақтауда есесін жіберіп алған жас мемлекет жаңа ғасырды мәдениетті қолдаудан бастады. Билік механизмдерін жетілдіру мақсатында осы жылы Елбасы Нұрсұлтан Назарбаев «Қазақстан Республикасының тәуелсіз сот жүйесін күшейту жөнінде» Жарлық қабылдады.16 наурызда Қазақстанның сыртқы саясатының жаңа тұжырымдамасы бекітілді. 10 қазанда Астанада Еуразиялық экономикалық қауымдастық құрылды. 15 қыркүйек пен 1 қазан аралығында Сиднейде өткен XXVII жазғы олимпиадалық ойындарда Қазақстан құрамасы үш алтын, төрт күміс медаль алып, 199 елдің ішінен 22-орынға көтерілді.

 2001 жылы Қазақстан өз Тәуелсіздігінің 10 жылдық мерейтойын атап өтті. Бұл жылы өткен он жылдағы атқарылған жұмыстарға қорытынды жасап, алдағы уақытқа жоспар жасалды.27 наурызда Каспий құбыр консорциумын толтыру басталып, «қара алтын» экспортының көлемі ұлғайды. 22 қыркүйекте Қазақстанға Рим Папасы Иоанн Павел ІІ және осы салтанатты көруге әлемнің 30 елінен 300 мыңдай христиан келді. Осы жылы Қазақстанда төрт әскери округ құрылды. Бұл жылы көрші мемлекеттермен шекараны айқындау аяқталып, елімізде посткеңестік мемлекеттер арасында тұңғыш рет капиталға рақымшылық жарияланды.

 2002 жылы Даму үрдісі кезінде адам капиталын жоғары бағалайтын Қазақстан 2002 жылды жалпыұлттық денсаулық жылы деп жариялады. Осы жылы рухани орталығы Түркістан қаласында қазақтардың екінші Бүкіләлемдік құрылтайы өткізілді.25 сәуірде Еуразиялық медиафорум өз жұмысын бастады. Дәл осы күні Қазақстан Футбол Одағы Еуропалық футбол қауымдастықтары одағы құрамына қабылданды. 13 мамырда Н.Назарбаев пен В.Путин Қазақстан мен Ресей арасындағы маңызды тарихи құжат – Каспий теңізінің солтүстік бөлігінде шекараны ажырату жөніндегі келісімнің хаттамасына қол қойды. 15 мамырда «Эйр Астана» ұлттық әуе тасымалдаушысы Алматы – Астана бағытын ашты. 17 қазанда Қазақстанға БҰҰ бас хатшысы К.Аннан келді. Бұл жылы елордада жаңа әкімшілік ғимараттар бой көтерді.

2003 жылы Нарықтық-экономикалық жүйені басты назарға алған Қазақстан белгілі бір дәрежеде жетістіктерге жеткеннен кейін, алдағы үш жылды «Ауыл жылы» деп жариялады. Діндер арасындағы диалогті қалыптастыру үшін Қазақстан әлемде бірінші болып әлемдік және дәстүрлі діндер басшыларының съезін өткізді. 23 ақпанда Мәскеуде Ресей, Беларусь, Қазақстан және Украина Президенттері бірыңғай экономикалық кеңістік құру жөніндегі мәлімдемеге қол қойды. 14 наурызда еліміз Еуропаға 12 жылдық үзілістен соң қара уылдырық пен балық экспортын жандандырды. 19 желтоқсанда елімізде өлім жазасына жарияланған мораторий өз күшіне енді. Осы жылы Қазақстан Бүкіләлемдік денсаулық сақтау ұйымына мүше болды және Ресейде Қазақстан жылы аталып өтті.

2004 жылы Елбасының тапсырмасымен «Мәдени мұра» бағдарламасы қабылданды. Үш жылға жоспарланған үлкен жоба қазақ мәдениетінің өткені мен бүгінін сабақтастырды.16-19 мамырда Қазақстан мен Қытай арасында Атасу-Алашанькоу мұнай құбырын салу туралы келісімге қол қойылды. 28 мамырда Шығыс Қазақстан облысында еліміздің 15 миллионыншы тұрғыны – Перизат Өскенбаева өмірге келді. 10 қарашада «ҚР «Электронды үкіметті» қалыптастырудың мемлекеттік бағдарламасы» туралы Президент Жарлығы шықты. 13-29 тамыз аралығында Афиныда өткен XXVIIІ Жазғы Олимпиадалық ойындарда Қазақстан құрамасы бір алтын, төрт күміс, үш қола медаль алып, 201 елдің арасынан 40-орынды иеленді. Осы жылы Президенттің «Ақорда» жаңа резиденциясы ашылды.

2005 жылы Қазақстан халқы президент сайлауы науқанын өткізді. Саяси көзқарастары әртүрлі үміткерлер бақ сынаған сайлауда Тұңғыш Президент 91,15% дауыспен халықтың сеніміне ие болды. 5 шілдеде Шанхай ынтымақтастық ұйымының Астана саммитінде АҚШ-ты Орталық Азиядағы әскери базаларды шығарудың мерзімін нақтылауға шақыру туралы декларация қабылданды. Ақпан айында тұрғын үй құрылысын дамытудың үш жылға арналған жаңа мемлекеттік бағдарламасы іске асырыла бастады. Жыл Ұлы Жеңістің 60 жылдығы ұранымен өтті.

 2006 жылы Қазақстан үшін экономикалық серпіліс жылы болды. ЖІӨ бұрын-соңды болмаған 10,6 пайыз көрсеткішке жетсе, Ұлттық қордың активтері 14 млрд долларға дейін жетті. Бұл халықтың болашаққа деген сенімділігін нығайта түсті. Халықаралық қауіпсіздікті қамтамасыз етуге бар күш-жігерін салып жүрген Қазақ елі осы жылы әлемдік және дәстүрлі діндер басшыларының екінші съезін шақырды.11 қаңтарда ҚР Президенті Н.Назарбаевты ұлықтау рәсімі өтіп, онда еліміздің жаңа Әнұраны жария болды. 20 қаңтарда Қазақстан Республикасының қос палаталы Парламентіне 10 жыл толды. 3 шілдеде елімізде мүлікті заңдастыру науқаны басталды. 3 қазанда Қазақстан мен Ресейдің шекаралас аймақтарының ынтымақтастығына арналған форум тұңғыш рет елімізде, Орал қаласында өтті.

2007 жылы Бұл жыл Қазақстандағы қоғамдық-саяси оқиғалармен есте қалады. Конституцияға өзгерістер мен толықтырулар енгізу арқылы мемлекет президенттік басқарудан президенттік-парламенттік басқару жүйесіне өтті. Осыдан кейін Парламент өзін-өзі таратып, жаздың соңғы айында заң шығарушы органдағы мандаттар үшін саяси партиялар пропорционалды сайлау жүйесі арқылы бақ сынады. Осы жылы ЕҚЫҰ-ның Сыртқы істер министрлері кеңесі 2010 жылы аталған ұйымға Қазақстанның төрағалық ететінін жария етті. 19 қаңтарда «Астана» кәсіби велошабандоздар үйірмесінің тұсауы кесілді. 1 сәуірден бастап елімізде ойын бизнесіне тыйым салынды. 3 шілдеде «30 корпоративтік көшбасшы» жалпыұлттық бағдарламасы іске қосылды.

 2008 жылы Елорданың 10 жылдық мерейтойы жалпыұлттық деңгейде аталып өтті. Әлемдегі ең жас астаналардың бірі болып саналатын еліміздің орталығының қалыптасуын шетелдік меймандар Елбасы Нұрсұлтан Назарбаевтың еңбегі деп бағалады. 2008 жылы Қазақстан демографиясы үлкен қарқынмен дамыды. 2 сәуірде Алматыда Мемлекет басшысы Н.Назарбаевтың қатысуымен Бейжің олимпиадасы алауының эстафетасы ашылды. 8-24 тамыз аралығында Бейжіңде өткен XXIX Жазғы Олимпиадалық ойындарда Қазақстан құрамасы екі алтын, төрт күміс, жеті қола медаль алып, 204 мемлекеттің ішінен 29-орынды иеленді.

2009 жылы Бүкіл әлем қаржы дағдарысының шырмауында қалған шақта Елбасы Нұрсұлтан Назарбаевтың тапсырмасымен «Жол картасы» бағдарламасы әзірленіп, Үкімет дағдарысқа лайықты төтеп берді. Осындай қиын кезеңде қауіпсіздік пен тұрақтылықты ұмыт қалдырмаған Қазақстан Астана төрінде әлемдік және дәстүрлі діндер басшыларының үшінші съезін өткізді. 12 қаңтарда Астанада ҚР тұңғыш Президентінің алғашқы интеллектуалдық мектебі ашылды. 24-25 ақпанда халық санағы жүргізіліп, оның бір жылдан кейін жарияланған қорытындысы бойынша ел халқының саны 16 миллионнан асты. 21-23 наурыз күндері Наурыз мерекесі тұңғыш рет ресми түрде үш күн қатарынан тойланды. 3 тамызда «Жетіген-Қорғас» халықаралық теміржол құрылысы басталды. 12 желтоқсанда ҚР Президенті Н.Назарбаев пен ҚХР Төрағасы Ху Цзиньтао «Түрікменстан – Қазақстан – Өзбекстан – Қытай» газ құбырының қазақстандық бөлігін іске қосты.

2010 жылы Тарих беттерінде бұл жыл Қазақстанның ЕҚЫҰ-ға төрағалығымен есте қалатыны сөзсіз. Халықаралық қауымдастық тарапынан Ванкуверден Владивостокқа дейінгі территорияда орналасқан 56 елдің басын қосатын ұйымның жұмысына жоғары баға берілді. Ұйымның 11 жыл бойы өткізілмеген саммиті елордада ұйымдастырылды. Президент Жолдауы бойынша Үкімет индустриялық-инновациялық бағдарлама қабылдады. Білім мен ғылымға ерекше назар аударылып, жаңа заң мақұлданды. Елімізде халықаралық дәрежедегі тұңғыш білім ордасы – Назарбаев университеті ашылды. БҰҰ Семей полигоны жабылған күнді Халықаралық ядролық қарусыздану күні деп бекітті. 1 қаңтарда Қазақстан, Ресей және Беларусь арасындағы Кедендік одақ жұмыс істей бастады. БҰҰ Наурыз мерекесін халықаралық халықтық мейрам деп таныды.

2011 жылы 30 қаңтар мен 6 ақпан аралығында Қазақстанда тұңғыш рет Қысқы Азия ойындары өтті. Спорт бәсекесінде еліміздің спортшылары 32 алтын, 21 күміс, 17 қола медальді иеленіп, құрлықтағы 26 елдің арасынан алғашқы орын алды. Ақ Азиада қазақ қоғамына айрықша рухани серпіліс сыйлады. 1 желтоқсанда Алматы метрополитені іске қосылды. 9 желтоқсанда Мойнақ су электр стансысы пайдалануға берілді. Желтоқсанда Қазақстан Республикасының Тәуелсіздігіне 20 жыл толды.

2012 жылы Бұл жылғы Елбасы Жолдауы тек экономиканың ғана емес, сонымен қатар, әлеуметтік саланың да өркендеуіне бағытталды. Халықты жұмыспен қамту, қолжетімді баспана, өңірлерді дамыту, мемлекеттік қызмет көрсетудің сапасын көтеру, басқарушылардың біліктілігі, сот және құқық қорғау жүйесі, адам капиталы, зейнет жүйесі, индустриалды жобалар, ауыл шаруашылығын дамытуға ерекше ден қойылды. Осы жылы Қазақстан алып құрылыс алаңына айналып, онмыңдаған жұмыс орындары құрылды. 22 қарашада Қазақстан 2017 жылы елде әлемдік көрме өткізу құқығына ие болды. Халықаралық көрме бюросы мүшелерінің қатысуымен Астана 103 дауыс жинады.

 2013 жылы Бұл жыл Тұңғыш Президент жариялаған «2050 Стратегиясы – қалыптасқан мемлекеттің жаңа саяси бағыты» атты Жолдау бойынша жұмыстардың қолға алынуымен ерекшеленді. Сонымен қатар осы жылы Қазақстан тарихында тұңғыш рет жергілікті билік органдары басшыларының сайлауы өтті. 24 тамызында Президент Нұрсұлтан Назарбаевтың қатысуымен «Қазақстан-2050» стратегиясы: бір халық – бір ел – бір тағдыр» тақырыбында Қазақстан халқы Ассамблеясының XX мерейтойлық сессиясы болып өтті.

2014 жылы Осы жылдың тамыз айында Үкіметте қайта құру жұмыстары өтті: 17 министрлік пен 9 агенттіктің орнына елде 12 министрлік және шамамен 30 комитет құрылды. Қаржы полициясының қызметі Мемлекеттік қызмет және жемқорлыққа қарсы күрес істері жөніндегі агенттікке берілді. Бұдан өзге энергетика, мәдениет және спорт, инвестициялар және даму, ұлттық экономика министрліктері құрылды.

2015 жылы 27 шілдеде Қазақстан Республикасы Дүниежүзілік сауда ұйымының мүшесі атанды. Екінші қыркүйекте Қазақстан тарихындағы үшінші ғарышкер – Айдын Айымбетов ғарышқа самғап, халықаралық экипаждың құрамында Халықаралық ғарыш стансасына аттанды. Сондай-ақ ел тарихындағы Қазақ хандығының 550 жылдық мерейтойы бүкіл республика және ТМД елдері арасында аталып өтті.  

2016 жылы 16 желтоқсанында Қазақстанның өз алдына егеменді ел болып жарияланғанына 25 жыл толды. Тәуелсіздіктің 25 жылдығына арналған декларация жазылды. Сондай-ақ, осы кезде ел астанасына Мемлекет басшысының есімін беру туралы ұсыныстар айтылды. Мереке қарсаңында көптеген қазақстандық мемлекеттік марапаттарды иеленіп, елде амнистия жарияланды.

2017 жылы Қазақстанда EXPO-2017 көрмесі ұйымдастырылды. Аталған көрме 10 маусым мен 10 қыркүйек аралығында Астанада өтті. Оны тамашалауға әлемнің түкпір-түкпірінен 3 миллион адам келді. Ал көрмені өткізуге 115 мемлекет пен 22 халықаралық ұйым қатысты. 26 қазанда Мемлекет басшысының қазақ тілін латын әліпбиіне көшіру туралы жарлығы қабылданды.

2018 жылы 1 қаңтардан бастап Қазақстан БҰҰ Қауіпсіздік кеңесіне төрағалық етті. Төрағалықтың негізгі мақсаты Орталық Азия мен Ауғанстан бойынша құжат қабылдау болды. Кеңестің тұрақты емес мүшелері бұл қызметке кезекпен кіріседі. Сондай-ақ Астананың 20 жылдық мерейтойы тойланды. 12 тамызда Ақтауда 5-ші Каспий саммиті өтіп, оған теңіз жағалауындағы Қазақстан, Әзербайжан, Иран, Ресей және Түрікменстан елдерінің президенттері қатысты.  Дәл осы алқалы жиын барысында 25 жылдан бері күрмеуі күрделі проблемаға айналып келген Каспий теңізінің құқықтық мәртебесі айқындалған болатын.

2019 жылы Қазақстан үшін тосын оқиғаларға толы болды. 19 наурызда Қазақстанның Тұңғыш Президенті Нұрсұлтан Назарбаев өкілеттігін тоқтатты. 9 маусымда кезектен тыс сайлау өтіп, 70 пайыздан астам дауыс жинаған Қасым-Жомарт Тоқаев ел Президенті болып сайланды. 2 қыркүйекте Қазақстан президенті Қасым-Жомарт Тоқаев «Сындарлы қоғамдық диалог – Қазақстанның тұрақтылығы мен өркендеуінің негізі» деген тақырыппен халыққа Жолдау жасады.

 2020 жылы Елімізде әл-Фарабидің  1150 жылдығы, Абай Құнанбайұлының 175 жылдығы, Алтын Орданың 750-жылдығы сынды мерейтойлар жалпыхалықтық деңгейде аталып өтті. Алайда COVID-19 пандемиясының таралуына байланысты көптеген жоспарларға өзгерістер енгізілді. Абай мерейтойының ең жарқын көрінісі мәдени-ағарту бағытындағы «Абай» телеарнасы ашылды. Бұл жыл еліміздің денсаулық сақтау саласы үшін үлкен сынақ болды. Дәрігерлер коронавирус инфекциясына қарсы күрес жолында жаңа тәжірибе жинады және сабақ алды. Елімізде COVID-19 қарсы күрес үшін 15 жаңа модульдік жұқпалы аурулар ауруханасы ашылды. Қазақстанда міндетті әлеуметтік медициналық сақтандыру жүйесі іске қосылды. Дәрігерлердің орташа жалақысы 30%, орта медицина қызметкерінің жалақысы 20% өсті.

2021 жылы Мемлекет басшысы Қасым-Жомарт Тоқаев 2021 жылды «Тәуелсіздіктің 30 жылдығы» деп жариялады. Сондай-ақ, Президент 30 жылдыққа байланысты шаралар халыққа рухани серпіліс әкелуі қажет екенін айтты. Руханият саласындағы жұмыс бірнеше бағыттан тұрады. Солардың бірі – ұлт тарихында өшпес із қалдырған көрнекті тұлғалардың еңбегін насихаттау. «Мерейлі жылға бірнеше атаулы дата тұспа-тұс келіп отыр. Жыр алыбы Жамбылдың – 175, Алаш арысы Әлихан Бөкейхановтың – 155, күш атасы Қажымұқанның – 150 жылдығы, тағы басқа бірнеше тарихи тұлғаның мерейтойы. Біз бұл мерекелерді өте мағыналы өткізуіміз керек», – деді Қасым-Жомарт Тоқаев. Бұл жыл тарихи және межелі жыл болмақ.Міне,30  жыл-Қазақ елінің аяқтан тұрып,дамудың даңғыл жолына түсе білген кезі.Және бұл аралықта біз өзіндік әдет-ғұрыптарымызбен салт-дәстүрімізді,мемлекеттік гимн мен туымызды бекіттік.Елімізде биік-биік қалалар бой түзеп,жандана түсті.Бұл еліміздің атағын шығарып, басқа елдердің тамсана қарауына қарауына әкеп соқты.Бұл біз үшін бір мақтаныш.Бірақ бұл тек бастамасы.Алдағы өсіп келе жатқан жастар қаншама,олардың еліне қосар үлесі мен жоспар мен арман-тілектері қаншама. Болашақта жастардың арқасында аздаған уақыт ішінде әлемнің алпауыт мемлекеттерінің қатарына енеміз деп сенемін.Және қорытындылай келе айтарым, 30 жыл деген тарих үшін аса көп уақыт емес. Осы жылдар ішінде еліміз басынан үш дағдарысты өткерген екен. Аталған қиын-қыстау кезеңдер еліміздің шыдамдылығы мен төзімділігін қайрап, бүгіндері біздің Еуразиялық экономикикалық кеңістікті құру секілді бірқатар басым батыл қадамдармен алға жетелеуде.

Читайте также:

Добавить комментарий

Ваш адрес email не будет опубликован. Обязательные поля помечены *