Қанатты достар
ДЖегибаева Мархабат Сатыбалдықызы
Білім салалары: Таным.
Бөлімі: Жаратылыстану
Тақырыбы: «Қанатты достар».
Мақсаты: Құстар туралы ұғымын жалғастыра отырып, құстарға қамқорлықпен қарап, күтім жасауға тәрбиелеу.
Міндеттері:
- Табиғат пен адам үйлесімділігі, оның адам өміріндегі, маңыздылығын түсіндіру;
- Табиғатқа қамқор бола білу іскерліктерін дамыту;
- Табиғатқа, өсімдіктерге күтіммен қарауға тәрбиелеу.
Қолданылатын көрнекі құралдар: Құстардың суреті, дәптермен жұмыс, Слайд, Құстарға ағаштан ұя жасау.
Сөздік жұмыс: қанат, денесі, құйрығы.
Билингвалды компонент: құс- птица
«Жылулық шеңбері»
Сәлем деймін достарға
Сәлем деймін құстарға
Сәлем деймін апайларға!
Ұйымдастыру кезеңі:
Өткен тақырыпты қайталау:
Құстардың пайдасы өте көп, тіршілік ету әрекеттері әртүрлі, олар табиғат сақшылары.
Жыл құстары: қараторғай, аққу, қарлығаш.
Қыстап қалатын құстар: қарға, тоқылдақ, сауысқан, көгершін, торғай.
Ғажайып сәт:
Айша: Қарлығаш адамға саулық, жақсылық тілеп жүретін және қауіп қатерден қорғап жүреді.
Адамзаттың жақыны
Қарлығаш та ақылды
Көгершін мен екуі
Жайлайды бір шатырды.
Аружан: Тоқылдақты халық орман емшісі деп атайды. Ол ағашты зиянды құрт- құмырсқадан тазартады.
Тоқылдақтар тоқылдап
Ешбір тыным көрмейді
Ағашты қанша теседе,
Жұмысы бір өнбейді.
Мұстафа: (Кекілік)
Кекілік- ау, кекілік,
Тау- таста жүреді секіріп
Қауіп төнсе кенеттен
Бұтаға олар бекініп
Ақарыс: (Сауысқан)
Селк етіп сырт дауыстан
Шықылықтайды сауысқан
Атамның жиған сымдарын
Терекке тасып тауысқан
Ертөре: ( қарға)
Қарға, қарға, қарғалар
Қар үстінде жорғалар
Екі шоқып, бір қарап
Қара басын қорғалар.
Айкүнім:(Аққу)
Құс сұлуы аққумын
Табиғат көркі сыйлаған
Мылтығын кезеп еш мерген,
Атуға көзі қимаған
Айым:
Үйге кірші торғайым
Мен аяздан қорғайын.
Жем шашамын жегейсің
Үйшік жасап берейін.
Дәптермен жұмыс:
« Сөз» ойыны
Біз тамақты немен жейміз? ( ауызбен)
Ал құстар ше? ( Тұмсықпен)
Адамның денесі терімен жабылға, Құстардың ше? ( қауырсындарымен)
Бізде аяқ бар құстарда ше? ( Сирақ)
Біздің қолымыз бар құстарда ше? ( Қанат)
Сергіту сәті:
Қарлығашқа ұқсайық,
Кәне, қанат жасайық ( екі қолын қанат етіп жаяды)
Қарлығаш боп ұшайық, ( қолын сермей, қылықтаған қимыл жасайды).
Орнымызға қонайық ( орындарына отырады).
Жұмбақ шешеді:
Талдың басында,
Жемі бар қасында
Там тұр саялы,
Достарға аялы.
(Құс ұясы)
Тал басында түндіксіз отау
( Ұя)
Дидактикалық ойын: « Құстарға ұя жасаймыз» (Алдын ала жасалған тапсырмалар, суреттер мен видиолар).
Мақсаты: Балаларға құстар ұясын неден жасайды? Ұя салу үшін құсқа не қажет екенін анықтап көрсету, отбасымен әкесімен немесе ағасымен бірге жасау.
Ойын шарты: « Құстарға ұя жасау».
Қортынды кезең: (рефлексия) Гүл. Үстел үстінде крышкалар: қызыл және жасыл. Белсенді қатысқаны үшін, жақсы жауап бердім деп ойлаған бала қызыл түсті гүл жасайды, орташа жауап берген бала, жасыл түсті гүл жасайды. Мақтап мадақтаймын.
Күтілген нәтиже: құстар туралы, мекен ету ортасы туралы.
Түсінеді: жыл құстары мен қыстап қалатын құстардың айырмашылықтарын;
Қолданды: құстардың мінез- құлығын бақылау дағдыларын.
