Отан үшін от кешкендер!
Ұлы Отан соғысының 70 жылдық Жеңісіне арналған «Ер ерлігі – ел есінде» атты балалар шығармашылығының республикалық байқауына жіберген Гүлсім есімді арудың шығармасын қабыл алыңыздар. Әкесінен айырып балалардың Мәңгілікке жүрегін жараладың. Жетімектер көбейіп жер жүзінде Бөлісерге зар болды қара нанын… Өмірде тарих кезеңі үнемі жаңаланып отырады. Десе де, ұмытылмайтын, ескірмейтін тарихи оқиғалар бар. Біз үшін Ұлы Отан соғысы да мәңгілік тарих. Ол біздің әкеміз бен аталарымыздың қанымен жазылған естеліктер. Өйткені олар адам айтса сенгісіз күндерді басынан өткерді. Аш та, жалаңаш та жүріп, қан майдандағы небір сұрапыл оқиғалардың басы-қасында болды.
