1 цифры. Жылдам – баяу.Үшбұрыш
Мақсаты:1 цифры туралы білімдерін бекіту; «жылдам, баяу» ұғымдарын, әртүрлі өлшемдегі үшбұрыштар туралы білімдерін қалыптастыру.
Міндеттері:
- балалардың 1 цифры туралы білімін нығайту;
- цифрды заттың санымен сәйкестендіруге үйрету;
- жұмбақты көрген мәліметтерге сүйене отырып шешуге үйрету;
- таныс заттарды көлеміне қарай (үлкен, кіші, кішкентай) салыстыруға, заттарды сол белгілері бойынша біріктіруге үйрету;
- үшбұрыш туралы білімін нығайту, оны өзге пішіндердің арасынан табуды үйрету;
- үшбұрыштың көлемі жағынан әртүрлі болатынын түсіндіру.
- «жылдам», «баяу» ұғымдарын айыра білуге үйрету;
- көру арқылы есте сақтау қабілеттерін дамыту;
- тапсырманы тиянақты орындауға тәрбиелеу.
Күтілетін нәтижелер:
біледі:1 цифрын, үшбұрыштардың көлемі жағынан әртүрлі (үлкен, кіші, кішкентай) болатынын; «жылдам», «баяу» ұғымдарын дұрыс пайдалануды;
түсінеді: цифрды заттың санымен сәйкестендіруді, жұмбақтарды шеше білуді, көптеген пішіндердің ішінен үшбұрышты таба білуді;
қолданады: өзіне таныс заттарды көлеміне қарай (үлкен, кіші, кішкентай) салыстыруды.
Қажетті көрнекі құралдар: ойынға арналған суреттер, заттық суреттер, баяу, жылдам жүретін аңдардың суреті, № 1 жұмыс дәптер.
Билингвальді компонент:үшбұрыш – треугольник, доп – мяч, бір – один, арыстан – лев.
ҰОҚ-нің барысы
- Ұйымдастыру кезеңі.
Педагог жұмбақ жасырады:
Таңғажайып кірпішті,
Бір-біріне қаладым.
Ұнамаса құлатып,
Қайта-қайта қаладым.
( Текшелер)
Кезікті кербез сұлу,
Бір жануар.
Үстінде
Екі тауы бар.
(Түйе)
- Негізгі кезең.
1-тапсырма.
Педагог: «Неше текше, неше түйе, неше доп бар?» – деп сұрайды. 1 цифры бір затты білдіретінін түсіндіреді.
Балаларға 1 цифрын бояуды ұсынады.
2-тапсырма.
Педагог сол жақта тек 1 цифры жазылғанын көрсетеді. Балаларға 1 цифрына сәйкес заттарды бояу туралы тапсырма беріледі.
–Неше шәйнекті боядыңдар (бір), неше тақия (бір), неше Күнді (бір) боядыңдар?
Сергіту сәті.
Кәне, қанат жазайық,
Қарлығашқа ұқсайық.
Ұшып-ұшып алайық,
Орнымызға қонайық,
Білімде алда болайық.
Педагог өз қалауынша ұйымдастырады.
3-тапсырма.
Арыстан мен тасбақа: «Пальмаға кім бірінші жетеді?» – деп бәстеседі.
– Сендер қалай ойлайсыңдар, не бірінші жетуі мүмкін?
–Неге арыстан бірінші жетеді деп ойлайсыңдар?
Педагог «жылдам – баяу» түсініктерін сөздік қорларына енгізу жұмыстарын жүргізеді.
Педагог балаларға пальмаға бірінші жеткен аңды бояуға тапсырма береді.
4-тапсырма.
Педагог жұмбақ жасырады:
Үш бұрышы,
Үш қабырғасы бар
Бұл қандай пішін?
Үшбұрышты жан-жақты қарап зерттеу.
– Кәне, үшбұрыштың қанша төбесі, қанша қабырғасы бар екенін тексерейік.
– Үшбұрыштың қандай қабырғалары ұқсас?
Балаларға мынадай сұрақ қояды:
– Суреттердің арасынан неше үшбұрышты таптыңдар?
– Үшбұрыштардың өлшемі қандай?
– Үшбұрыштардың ең үлкенін қызыл қарындашпен, одан кішілеуін көкпен, ал ең кішкентайын жасыл түспен бояңдар.
- Рефлексия.
Өзін-өзі бақылау және өзі атқарған жұмысқа баға беру.
Педагог:
– Тасбақа тез жүреме, арыстан ба?
