Білім әлеміне саяхат

Санат Рина

Мақсаты: Жыл бойы алған білім дағдыларын нақтылау.

Білімділік: сұрақтарға толық дұрыс жауап беруге, дәстүрден тыс сурет салу әдісін өз беттерімен көрсете білуге төселдіру.

Дамытушылық: сөздік – логикалық ойлау дағдысын, байланыстырып сөйлеуін дамыту.

Тәрбиелік: балаларда  ұжымдық жағымды эмоция қалыптастыру.

Алдын–ала жұмыс: Алтын әженің хаты топқа келеді. Хаттың мазмұнымен танысып, көмек ұшын беруге дайын екендігін жеткізеді.

Қажетті құрал – жабдықтар: Интерактивті тақта, қарындаштар, таратпа материалдар (кеме, ағаштың суреті дыбыстық талдауға және жоғалған сандар), текшелер,  А3 – форматта қағаз – 3 дана,  моншақтар, пластмасс бөтелке, ою ойылған картоп, музыкалық аспаптар (жетіген, домбыра, сылдырмақ, тұяқ),

Оқу іс – әрекетінің барысы:

Балалар әуенмен залға кіреді.

Шеңбер бойымен тұрады.

Тәрбиеші: Балалар, бүгін бізде ерекше күн. Күнімізді бастамас бұрын «Сәлем – сөз атасы», – демей ме, келген қонақтармен амандасайық.

• Жарайсыңдар, балалар! Енді, бір – бірімізге жылы лебізімізді білдірейік.

Мынау – менің жүрегім,

Бәрі осыдан басталған.

Мынау – басым ақылды,

Бәрін осы басқарған.

Мынау менің оң қолым,

Мынау менің сол қолым,

Барлық істі атқарған.

• Балалар, осында келмес бұрын біздің топқа хат келген еді. Хат кімнен келіп еді?
• Алтын әжеден келді. Бізден көмек сұрапты.
• Иә, дұрыс айтасыңдар. Алтын әжеден хат алған болатынбыз. Алтын әжеге бармас бұрын барлығымыз білімізді сынап «Білім еліне» барып қайтайық!
• Мұнда екі топқа бөлініп отырып білім жарысын ұйымдастырайық./балалар екі топқа бөлініп отырады/.
• Бірінші топ «Сұңқар» тобы болсын!
• Екінші топ «Тұлпар» тобы болсын!/Ойын шартын түсіндірледі/.

 

 

 

 

 

 

 

 

 

 

• Келесі ұяшықты «Сұңқар»  тобы таңдайды.
• Біз таңдаймыз кітапты таңдаймыз.

Логикалық есептер

  І – топтың тапсырмалары

1.Аспан көгілдір, ал шөп қандай?

2.Ит тауыққа ма, әлде мысыққа көп ұқсай ма?

3.Жазда 5 аққала жарысты, екеуі озып кетті, нешеуі қалып қойды?

ІІ – топтың  тапсырмалары

1.Аспанда 4 тауық ұшып бара жатыр еді.  Қонақтап қалып қойды. Нешеуі ұшып кетті?

2.Қыз мезгілі. Ағашта 3 алмұрт өсіп тұр. Оның 2 жұлып алды. Нешеу қалды?

3. Шанамен қай кезде сырғанауға болады?

ЖОҒАЛҒАН САНДЫ ЖАЗ

І – топтың тапсырмасы

1              3                5            7            9

ІІ – топтың тапсырмасы

2              4              6           8                  10

• Келесі ұяшықты «Тұлпар» тобы таңдайды.
• Біз таңдаймыз киіз үйді.

Тапқыр болсаң шешіп көр!

Қолы бар,                                                Күнде жейміз

Саусағы жоқ.                                            Тәтті дейміз

Мойны бар,                                              Қадір тұтып құрметтейміз. (нан)

Басы жоқ.  (Көйлек)

 

Қабат – қабат қаптама,                             Бұрап қойған сағаттай,

Ақылың болса аттама. (Кітап)                 Айқайлайды таң атпай.  (Әтеш)

 

Ішіне тамақ салынған,                              Сыртылдайды күнімен,

Есігі мықтап жабылаған (Жұмыртқа)      Сыртылдайды түнімен.

                                      Білгің келсе уақытты,

Көрсетеді тілімен.  (Сағат)

• Келесі ұяшықты Сұңқар тобы таңдайды.
• Бізді таңдаймыз. Кеменің ұяшығын.
• Бұл ұяшықтың тапсырмасы «Дыбыстық талдау»  Ағаш және кеме сөзіне дыбыстық  талдау жаса.

– Келесі ұяшықты «Тұлпар» тобы таңдайды.

– Біз домбыраны таңдаймыз.

– Домбыраның ұяшығында «Мен бастаймын, сен аяқта!» – деп аталады. Мен сендерге мақал – мәтелдің басын айтамын, сендер аяқтайсыңдар.

Тапсырма: «Мен бастаймын, сен аяқта!»

І – Топтың тапсырмасы

Ел іші – алтын бесік

Еріншектің  ісі – екі

Ананың сүті – бал, баланың  тілі де бал.

ІІ – топтың тапсырмасы

Бірлік болмай, тірлік болмас.

Көп сөз көмір, аз сөз алтын.

Жақсының жаттығы жоқ.

• Келесі ұяшықты «Сұңқар» тобы таңдайды.
• Біз Глобусты таңдаймыз.
• Глобустың тапсырмасы:

Қазақстан Республикасының Тұңғыш ғарышкері кім?

• Келесі ұяшықты «Тұлпар» тобы таңдайды.
• Біз ағашты таңдаймыз.
• Ағаш ұяшығының тапсырмасы:

Сөздерді ата және алғышқы дыбысын ата?

 

• Осымен біздің «Білім әлемінің сендерге қояр сұрақтары аяқталды.
• Олай болса қай топтың жеңіс жеткенін білу үшін алдарыңдағы алған жұлдызшаларыңда санай қойыңдар!
• Енді денемізді сергітіп алайық.

Бой сергіту: Қара жорға әуенімен

• Ал, балалар, Алтын әжеге уәде еткенміздей, барып көмектесейік.

/ Шеберхана да Алтын әже отырады/.

Балалар: Сәлеметсіз бе әже?

Алтын әже: Есенсіңдер ме балалар. Қош келдіңдер! Менің хатымды алдыңдар ма?!

Балалар: Иә алдық. Біз сізге көмектесуге келдік.

Алтын әже: Жақсы болды. Сұраныстар өте көп, үлкермей жатырмын. Сендердің көмектерің өте қажет.

Тәрбиеші: Иә, әже! Біздің балалардың қолынан бәрі келеді.

Алтын әже: Олай болса, кім текемет жасағысы келеді, кім алқа жасағысы келеді, ал енді біреулерің кестеге келіңдер.

/балалар өз қалаулары бойынша үшке топқа бөлінеді/.

Алтын әже: балалар, қандай әдемі етіп жасағансыңдар! Текеметке қандай өрнекті қолдаңдыңдар?

• Алқа немен жасадыңдар?
• Кестеге қандай түсті гүл салдыңдар?
• Өнерлі балалар екенсіңдер. Алғысым шексіз.

Тәрбиеші: Алтын әже, біз тек қана қол өнері ғана емес, біздің балалар ұлттық аспаптарда ойнай алады.

Алтын әже: Бәрекелді! Олай болса тамашалайық.

Тәрбиеші: Балалар өнермізді көрсетейік.

/балалар аспаптарын алып, орындарына жайғасады/.

Тәрбиеші: ал, балалар, әжемізбен қоштасып өзіміздің балабақшамызға қайтатын уақыт келді.

Алтын әже: Бәрекелді, өнерлеріңе тәнтімін. Көп рахмет!

Балалар: Сау болыңыз әже!

Алтын әже: сау болыңдар, балалар!

Қорытынды:  міне, бақшамызға да келдік. Бүгінгі күн  сендерге ұнады ма? Несімен ұнады? Біз қайда бардық? Кімге қолғабыс жасадық? Менде сендерге ризамын білімдеріңді, өнерлеріңді көрсете алдыңдар. Осымен бүгінгі білім әлеміне саяхатымыз аяқталды.