Саңана нені сіңіресің-сол болады.
ЕДІЛБАЙ ДІЛНАЗ Абай атындағы №4 мектеп-лицейдің 11-сынып оқушысы Ұлытау облысы
Сәтбаев қаласы
Әрқайсымыз күнделікті өмірде айналамыздан түрлі ақпарат пен әсерлерді қабылдаймыз. Біз көргеніміз, естігеніміз, оқығанымыз бен сезінгеніміз арқылы дүниетанымымызды қалыптастырып, жеке тұлға ретінде жетілеміз. Көп жағдайда, осы ақпараттар мен әсерлер біздің болашақтағы әрекеттерімізге, ой-санамызға тікелей әсер етеді. Сондықтан да халық даналығы “Сіңіргенің не – сен солсың” деп бекер айтпаған.
Әлемнің бір бөлігін бейсаналы түрде сіңіріп, соған бейімделеміз. Қоршаған ортаның ықпалы зор: егер адам зиялы, мәдениеті жоғары, ой-өрісі кең ортада өссе, сол құндылықтарды бойына сіңіреді. Ал теріс ықпалға көп ұшыраған жан, керісінше, нашар әдеттерді қабылдап, теріс жолға түсуі ықтимал.
Мәселен, адам бала кезінен кітап оқып, білімге қызықса, уақыт өте келе сол алған білімдері оны білімпаз, ойлы, жан-жақты тұлға етеді. Керісінше, өз уақытын бос өткізіп, қажетсіз ақпараттарға көңіл бөлген адам терең ойланудан алыс, жеңіл ойлы болып қалыптасады.Мақалдың негізгі мәні – адам өзі қабылдаған нәрселердің айнасы болатынында жатыр. Сондықтан, саналы түрде өзімізді қоршаған ақпараттар мен қоршаған ортаны таңдап, жақсы әдеттерді қабылдап, жан-дүниемізді байытуымыз қажет. Біз неге көп уақыт бөлсек, соны сіңіреміз. Демек, алға қарай қандай жолды таңдайтынымыз өз қолымызда.
