Ілініп түн тұр тауларға
Ілініп түн тұр тауларға
Ілініп түн тұр тауларға,
Дамылдап тірлік қалған ба?!
Алыстан оттар жанады
Жай таппай мына жалғанда,
Адасып жүрген арман ба?!
Жарқ етіп, кейде бір өшіп,
Бұлаңдап, шалқып, тұр есіп.
Сөндірмек болған самалмен,
Сөнгісі келмей күресіп.
Бір жанады оттар, бір өшіп.
Адасып жүрген боларсың,
Отқа тарт, түнгі жолаушым!
От жанған жерде – ошақ бар,
Барарсың, мүмкін қонарсың:
Отқа тарт, отқа, жолаушым,
Жоғалсын үрей, жоғалсын!
Ұмтылып келер күндерге,
Жанады оттар түндерде.
Тіршілік барын аңғартқан,
Жанады оттар жан-жақтан,
Әкеліп үрей кімдерге,
Әкеліп үміт кімдерге
Жанады оттар түндерде.
Дамылдап тірлік қалған ба?!
Алыстан оттар жанады
Жай таппай мына жалғанда,
Адасып жүрген арман ба?!
Жарқ етіп, кейде бір өшіп,
Бұлаңдап, шалқып, тұр есіп.
Сөндірмек болған самалмен,
Сөнгісі келмей күресіп.
Бір жанады оттар, бір өшіп.
Адасып жүрген боларсың,
Отқа тарт, түнгі жолаушым!
От жанған жерде – ошақ бар,
Барарсың, мүмкін қонарсың:
Отқа тарт, отқа, жолаушым,
Жоғалсын үрей, жоғалсын!
Ұмтылып келер күндерге,
Жанады оттар түндерде.
Тіршілік барын аңғартқан,
Жанады оттар жан-жақтан,
Әкеліп үрей кімдерге,
Әкеліп үміт кімдерге
Жанады оттар түндерде.
Мұқағали Мақатаев
Bilimger.kz Республикалық білім порталы
Қазақстан Республикасы Мәдениет және Ақпарат министрлігіне тіркелген.
Куәлік нөмірі: KZ45VPY00102718
