«Қызыл телпек» ертегісі. Көркем әдебиет оқу қызметі

Ашық ұйымдастырылған оқу іс-әрекетінің технологиялық картасы
Күні: 26.01.2016 жыл.
Білім беру саласы: «Қатынас»
Бөлімі: Көркем әдебиет.
Тақырыбы: «Қызыл телпек» ертегісі.
Мақсаты: ертегінің мазмұнын түсінуге, кейіпкерлердің әрекеттеріне баға беруге баулу. Ертегі кейіпкерлеріне сипаттай білуге дағдыландыру. Өтірік айтпауға, үлкенді сыйлауға, қамкор болуға, жамандық жасамауға тәрбиелеу.
Әдіс-тәсілдер: әңгімелесу, түсіндіру, сұрақ қою, жауап алу.
Көрнекіліктер: ертегінің мазмұнына байланысты суреттер.
Іс-әрекет кезеңдері
Тәрбиешінің іс-әрекеті
Балалардың іс-әрекеті
Мотивациялық-
қозғаушылық
Ұйымдастыру кезеңі.
Балалар шеңбер бойына тұрып, тәрбиешінің көмегімен өлең жолдарын қайталайды:

Біз қандаймыз, қандаймыз,
Шұғылалы таңдаймыз.
Күлімдеген күндеймз.
Ренжуді бізбілмейміз.
Қуанамын мен де,
Қуанасың сен де.
Қуанайық достарым,
Арайлап атқан күнге.

-Міне, жарайсыңдар, балалар! Бүгінгі оқу іс-әрекетімізді жақсы көңіл-күймен бастайық.

Шеңбер бойына тұрып, шаттық шеңберін орындайды.

-Ия.
Іздену-ұйымдастырушылық
-Балалар, айтыңдаршы, сендер ертегі тыңдағанды жақсы көресіңдер ме?
-Қандай ертегі білеміз?
-Бізді ұйықтар алдында әжеміз, анамыз ертегі айтып береді, ия, балалар?
-Ендеше, балалар бүгін біз Шарль Перроның «Қызыл телпек» атты ертегісін мазмұнын аша әңгімелесеміз.
Ертегінің кейіпкерлерімен жақынырақ танысайық.
-Ия, жақсы көреміз.

-Көп. «Бауырсақ», «Шалқан», «Алдар көсе», т.б.
-Ия, айтады.
Іздену-ұйымдастырушылық
Ертегісін оқып беру.
Суреттердің көмегімен суреттерге қарап ертегіні баяндау.

Сергіту сәті
Қорбаңдаған аюдың,
Құлпынайы көп екен.
Теріп-теріп алайық,
Қалтамызға салайық.
Жуып-жуып алайық,
Аузымызға салайық.

Ғажайып сәт

-Балалар, біздің топқа біреу келе жатыр-ау деймін. Бұл кім өзі? Балалар, кім келіп қапты?
Қызыл телпек: -Сәлем, достар! Мен Қызыл телпекпін.
-Балалар, Қызыл Телпек қайдан келіпті?
-Қызыл телпек сен қайда бара жатырсың? Сені анаң тағы да әжеңе жұмсады ма?
Қызыл телпек: -Ия, мені анам тағы да әжеме жұмсады. Әжемнің жағдайын білуге бара жатырмын. Орманға жету үшін осы балабақша жанынан өтуге тура келеді. Өтіп бара жатып мен туралы ертегі оқып жатқандарыңды естіп әдейі келдім, достар.
-Қәнекей, достар, сендер ертегіні қалай түсінгендеріңді сұрақтар қою арқылы анықтайын.
Тәрбиеші: — Қызыл телпек, сен тынығып ал. мен балаларға саған көмектесуін сұрайын.

Суреттерді көрсету
«Жақсы-жаман», «Қай жол қысқа?» деген ойындарды ойнатамын.

Мақсаты: балаларға жаман мен жақсыны айыра білуге машықтандыру. Кеңістікті суретке қарап бағдарлай білуге дағдыландыру.
Балалар ертегіні тыңдайды.

Өлең мазмұнына сай қимыл-қозғалыс жасайды.

Балалар таң қалысып, есікке қарайды.

Қызыл телпекпен амандасады.
«Қызыл телпек» ертегісінен келді.

Балалар ойынды қызығушылықпен ойнайды.
Рефлексивті түзетушілік
Қызыл телпек сұрақ-жауап арқылы балалармен қарым-қатынас жасайды.
-Сендерге ертегі ұнады ма?
-Анам мені қайда жұмсады?
-Маған кім кездесті?
-Қасқыр қай жерге жеткенімде кездесті?
-Мен қасқырдан қорықтым ба?
-Қасқырдың қарнын жарған кім?
Тәрбиеші: -Жарайсыңдар, балалар! Сендер ертегіні жақсы меңгеріпсіңдер. Қызыл телпекті рахмет айтып шығарып салайық. Жолынан қалмасын. Кеш болып кетіп тағы қасқырға кезігіп қалар. Ия, балалар?
Қызыл телпек: — Рахмет, достар. – сау болыңдар! Ақылды болыңдар.
Қызыл телпек қоштасып кетеді.
Тәрбиеші балаларды бағалап, алғыстарын айтады.
-Сау болыңдар, балалар!
Сұрақтарға жауап береді.
-ия, ұнады.
-әжеме.
-қасқыр
-жоқ, қасқырмен сөйлесті. – орманда.

-Қасқырға кездеспесін.

-Сау бол, Қызыл телпек. Келіп тұр. Әжеңе сәлем айт.
Қимастықпен қоштасады.
-Сау болыңыз!

Күтілетін нәтиже:
Нені біледі: ертегінің мазмұнын толық білді.
Қандай түсінік игереді: кейіпкерлердің әрекетіне баға беруді, салыстыруды игерді.
Меңгерген дағдылары мен іскерліктері: сұрақ-жауап арқылы оқытуды меңгерді.

Тәрбиеші:_____________________
Әдіскер:_______________________

Астана қаласы әкімдігінің №68 «Балбұлақ» балабақшасы

Ашық ұйымдастырылған оқу іс-әрекеті

«Қызыл телпек» ертегісі
Көркем әдебиет
Білім беру саласы: Қатынас

«Балапан» тобының тәрбиешісі:
Донбаева Эльмира
Базарбайқызы

Астана қаласы
2016 оқу жылы